Глава 68

Глава 68

О ВТОРОМ ПРИХОДE ПОД МОСКВУ
ГЕТМАНА ХОТКEЕВИЧА

Не по мнозeх же днех прииде гетман Хоткeевичь со многими Польскими и Литовскими людьми и з запасы. И того дьни бысть бой под Новым под Девичим монастырем с полки князя Дмитрея Михайловича Пожарсково. И сперва Литовские конные роты Руских людей потeснили, потом же многими пeшими людьми приходили на станы приступом и билися с утра и до вечера. И паки Господь Бог милость показа, Литовских людей от станов отбили и за рeку за Москву прогнали. А которые Литовские люди выходили из града очищати Водяных ворот, и тeх людей побили и знамяна поимали. А боярин князь Дмитрей Тимофeевичь Трубецкой со всeми своими полки тогда стоял за Москвою рeкою у Пречистые Богородицы Донские. В нощи же той от гетмана проидошя во град шестьсот человeк гайдуков а наутрeе вышедше из града за Москвою рeкою у страстотерпца Христова Георгиа острог взяли и знамя свое на церкви поставили. Звeрообразный же гетман Хоткeевичь прииде от рeки Сeтуни со всeми своими полки ко Пречистые Донские. Рустии же полцы ополчишяся противу ему. Стрeльцы же и казаки вси сташя по рву, сиа же бышя в третий день по приходe гетманове. Свeтающу понедeльнику, начаша полци сходитися: бe бо от обою стран множество безчислено людей. Окаяннии же Лютори, Польские и Литовские люди, наглe звeрообразным рвением наступишя на Московское воинство. Божиим же попущением грeх ради наших Рустии полцы вдашя плещи свои, на бeгство устремишяся; тако же и пeшие вси, ров покинувше, побeгошя и острог у святаго Климента покинули; из града же вышедше, Литовские люди в том острошки сeли и знамяна на церкви поставили; и запасы многие в тот острог ввезошя, яко никому же им возбраняющу. Но егда уже изнемогши силe нашей, но конечно еще неотчаавшемся и ко Спасителю своему и Творцу душевнии и телеснии очи возведше, от всея душа возопивше, помощи на сопротивных просяще, тогда Всемогий вскорe показа крeпкую свою и непобeдимую силу: казаки убо, которые от Климента святаго из острошку выбeгли, и озрeвшеся на острог святаго Климента, видeшя на церкви Литовские знамяна и запасов много, во острог вшедших, зeло умилишася и воздохнувше и прослезившеся к Богу, – мало бо их числом, – и тако возвращшеся и устремишяся единодушно ко острогу приступом; и, вземше его, Литовских людей всeх острию меча предашя и запасы их поимашя. Прочие же Литовские люди устрашишяся зeло и вспять возвратишяся: овии во град Москву, инии же к гетману своему; казаки же гоняще и побивающе их, яко и самeм им удивляющимся силe Божии; позавидeв же диавол славе Божии, яко змий мечтаяся, вложи мысль лукаву тeм казаком, иже Литовских людей побивающе. Первeе убо они удивляющеся помощи Божии, благодаряще Бога, яко немнозeм им и толико избивающе противных; та же размышляюще, видeша множество стоящих и неспомогающих им, и исполнишася гнeва и горести, возвращахуся в станы своя, укоряюще дворян, яко многими имeнии богатящихся, себе же нагих и гладных нарицающе и извeт1 дающе, яко к тому им ко врагом на брань не исходити николи же. И сиа видeшя врази, яко отступишя от них казаки, велико дерзновение приашя и поставишя обоз свой у церкви святыя великомученицы Христовы Екатерины и ров наполниша пeшими людьми и за рвом станы себe доспeшя и запасы своя ввезше поставиша. Видeв же сиа бываемаа злаа, стольник и воевода, князь Дмитрей Михайловичь Пожарской, и Козма Минин, и в недоумeнии бышя. И послаша князя Дмитрея Петровича Лопату к Троицкому келарю, старцу Аврамию, зовуще его в полки к себe. Бe бо тогда старец с прочими молебнаа совершающе пред образом Святыя Живоначальныя Троица и Пречистыя Богородица и великих чюдотворцов Сергиа и Никона, молящеся о побeждении на враги на мeсте, идeже был обыденный2 храм во имя святаго пророка Илии. Келарь же, слышав, скоро поиде в полки и видeв князя Дмитреа и Козму Минина и многих дворян плачющихся; и умолиша старца, послаша его со многими дворяны в станы казачьи, моляще их, чтобы их врагом не подали и, взем Бога в помощь, скоро и немедлено шли противу их и з запасы бы их в город не пропустити. Сиа же, слышав келарь, такоже слез наполнився и призвав Бога и великих чюдотворцов молитвы, и, яко забыв старость, скоро пойде х казаком, к острошку Климента святаго; и видe ту Литовских людей множество побитых и казаков со оружием стоящих, и много молив их со слезами. И первое похвальнаа им сице изрече, яко от них начася дeло доброе, ставших крeпко за истинную православную христианскую вeру, и раны многи приемлюще и глад и наготу терпяще и прослывше во многих дальних государьствах своею храбростью и мужеством. «Нынe-ли, братие», – рече, – «вся та добраа начатиа единем временем погубити хощете»? Многа же и ина изрече им, утeшаа их и понужая итти на противныя. Они же, слышавше от келаря сиа, зeло умилишяся и молишя его, дабы eхал к прочим казаком в жилища их и их наказал3 и умолил изыти на противных, сами же обeщевающеся, хотяху вси умрети, а не побeдивше врагов своих никако же не возвратитися. Келарь же, паче укрeпляя их, и дерзати повелeвает и звати ясак чюдотворца Сергиа. «И узрите», – рече, – «славу Божию». Егда же прииде старец близ Москвы рeки, против церкви святаго великомученика Христова Никиты, у рeки же множество казаков идяху в станы своя и медляще прехода ради рeки. Келарь же много молив и тeх со многими слезами, яко и прежде.

Слышавше сиа, все многочисленное воиньство казаков, внезапу умилившеся, внидошя в страх Божий, вси скоро устремишяся ко врагом на бой, не дошедше станов своих, яко ни единому не остатися от них; друг друга понужающе, глаголаху: «Поскорим, братие, пострадати за имя Божие и за православную истинную христианскую вeру». Прочии же казаки, стояще за рeкою у церкви святого великомученика Христова Никиты, видeшя, яко братиа их вскорe возвратишяся на бой, и, недождавшеся келаря, противу ему грядяху чрез рeку: ови бродяху4, инии же по лавам5 идуще. Келарь же и тeх умолив и много поучив от Божественых Писаний; они же с радостию скоро поидошя на бой, Бога в помощь призывающе и чюдотворца Сергиа, единогласно кличюще ясаком: «Сергиев, Сергиев»! И егда прииде келарь в станы казачьи, и ту обрeте их множество: овых пьющих, а иных играющих. Келарь же сих множае перваго поучив, казаки же выидошя из станов своих и повелeшя звонити и кличюще ясаком: «Сергиев, Сергиев»! И поидоша вси на бой.

О ВЗЯТИИ ОБОЗА И О ПОБEДЕ
НА ЛИТОВСКИХ ЛЮДЕЙ

Приспeвшим же всeм казаком к обозу у великомученицы Христовы Екатерины, и бысть бой велик зeло и преужасен; сурово и жестоко нападошя казаки на войско Литовское: ови убо боси, инии же нази, токмо оружие имуще в руках своих и побивающе их немилостивно. И обоз у Литовских людей розорвали, и запасы поимали, и в остроге Литовских людей всeх побили. Тогда бо от множества вопля и кричаниа обою страну не бe слышати и пищалнаго стуку, но токмо огнь и дым восходящь; от дыму же темну облаку нашедшу и покрывшу войско все; инии же, пришедше ко рву и Литовских людей изо рву всeх выгнаша. На них же приспeвшим воеводам со множеством конных, и бысть врагом велика погибель и станы их в разграбление взяшя, прочаа же в воздух дымом разлиашя. Гетман же их Хоткeевичь, видя своих избранных множество побиенных от воиньства православных, убояся, пометав вся своя, побeже. Православнии же, гнавше по них, многих избишя, возвратишася с великою побeдою, вземше вся запасы их и оружиа, и вся имeниа сих побравше, во своя станы внесошя. А гетман со оставшимися роты ста на Воробьевe горe. Келарь же по побeдe прииде ко князю Дмитрею Михайловичю Пожарскому. И тако благодаряще Бога и великое заступление Пречистыя Его Богоматере и молитвы великих святителей Московских Петра и Алексeя и Ионы и великого чюдотворца Сергиа и прочих святых, и поидошя ко образу Святыя Живоначальныя Троица и Пресвятыа и Пречистыя Богородица и великих чюдотворцов Сергиа и Никона, идeже прежде молебнаа совершаху, и с ними множество дворян и дeтей боярских и всeх чинов множество народа; и пeвше молебнаа, благодаряще Бога, и разыдошяся радующеся.

Во градe же Москвe, в Китае и в Кремлe, Литву и Нeмец и Руских измeнников крeпце осадишя и велику им тeсноту сотвориша. И бысть у них глад велик и мор на люди от глада, и ядяху мертвечину: собаки, кошки, мыши и всяку нечистоту, потом же и плоти человeческиа начашя ясти, друг друга побивающе, гладу же у них велику бывшу. Боярин же князь Дмитрей Тимофeевичь Трубецкой да князь Дмитрей Михайловичь Пожарской с товарищи и все воиньство паки о градоемствe крeпце промышляюще.

Паки же диавол возмущение велие в воиньствe сотвори: вси казаки востающе на дворян и на дeтей боярских полку князя Дмитрея Михайловича Пожарсково, называюще их многими имeнии богатящихся, себе же нагих и гладных нарицающе; и хотяху разытися от Московского государьства, инии же хотяху дворян побити и имeниа их разграбити. И бысть в них велико нестроение. Сиа слышавше во обители чюдотворца Сергиа, архимарит и келарь и старцы соборные сотвориша собор: бe бо тогда, в казнe чюдотворцовe скудость деньгам велиа бысть, и не вeдуще, что казаком послати и какову почесть воздати и о том у них упросити, чтобы ис-под Московского государьства неотомстивше врагом крови христианскиа не розошлися. И умысливше сице, послаша к ним церковнаа сокровищя: ризы, и стихари, и патрахeли саженые6 в закладе в тысечи рублех не на долго время, да к ним же писали со многим молением от Божественых Писаний, чтобы подвиг страданиа своего совершили, от Московского государьства не расходилися и прочая. Они же, приимше писание и прочетше его пред всeм войском, слышавше же похвальныя глаголы о службe их и о терпeнии, и приидошя в разум и в страх Божий и паки возвращают присланныя к ним ризы в дом Живоначальныя Троица, и дву атаманов з грамотами ко архимариту и х келарю и ко всей братии, что им по прошению их вся исполнити. Аще и тмочисленныя бeды и скорби приидут, то вся терпeти, а не вземше Москвы и врагом крови христианьскиа неотмстивше неотити.



Оглавление

Богослужения

6 мая 2021 г. (23 апреля ст. ст.)

Четверг Светлой седмицы. Вмч. Георгия Победоносца (303). Иверской иконы Божией Матери (второе обре́тение списка иконы 2012). Мц. царицы Александры (303). Мчч. Анатолия и Протолеона (303). Прп. Софии (1974). Сщмч. Иоанна Ансерова пресвитера (1940).
16:45 Вечернее богослужение
Успенский собор

Частые вопросы

Интересные факты

14 Октября 1812г. Крестный ход вокруг Сергиева Посада
В праздник Покрова Божией Матери в 1812 году по благословению митр. Платона (Левшина) наместник Троице-Сергиевой лавры совершил крестный ход вокруг Сергиева Посада для избавления города и обители от французов.