Глава 59

Глава 59

О ПРИХОДE К МОСКВE ГЕТМАНА ПАНА
ЖЕЛКОВСКАГО И О БОЮ СО КНЯЗЕМ ДМИТРИЕМ
ШУЙСКИМ О ПРИХОДE ПАКИ К МОСКВE ЛОЖНАГО ЦАРЯ

И паки сынми еретическими, яко водою, обливается царьствующий град, и изнеможе всяка крeпость православных. И царев убо брат, князь Дмитрей Ивановичь Шуйской, изыде со множеством вои, но со срамом возвратися, понеже вои ненавидяху его гордости его ради, и не любезен бяше во очию их. И со едину страну царьствующаго града Поляки множествены числом стояху, з другую же злый враг прииде ис Колуги, нарицающийся царевичь Дмитрий. И той тако же пакость дeяше христианом. Еще же и по призванию царя Василиа Крымские Татарове приидошя на защищение граду, и тии в царьствующий град внутрь не внидошя, но со враги за стeнами вкупe ратоваху и христиан убо погубляюще. На царe же Василии за то дары великиа вземше и от всея земля плeну, яко скот в Крымское державство согнашя. Сице же растерзаему царьствующему граду бывающу, и уже не умeющу что сотворити, и начашя лукавыя лисицы измeнники совeщатися: овии с Поляки, дабы королевича Владислава возвести на Росию державствующим, инии же ложному царевичю Тушинскому, иже от Колуги пришедшу, и тому хотяще служити. И бe кровь внe и внутрь, и мнози закалаеми бяху неповинно. Воинствующих же чин конечно изнеможе всяческими нужи; злeйши же всего – бесконны сташа.



Оглавление

Богослужения

29 марта 2024 г. (16 марта ст. ст.)

Частые вопросы

Интересные факты

Для святой воды и масел

Стекло, несмотря на свою хрупкость, один из наиболее долговечных материалов. Археологи знают об этом как никто другой — ведь в процессе полевых работ им доводится доставать из земли немало стеклянных находок, которые, невзирая на свой почтенный возраст, полностью сохранили функциональность.