Глава 48

Глава 48

О ЯВЛЕНИИ ЧЮДОТВОРЦА СЕРГИА

Дивный же в чюдесeх великий Сергий паки является пономарю Илинарху, глаголя сице: «Рцы братии и всeм ратным людем! Почте скорбят, что вeсти послати к Москвe нельзя? Аз послах от себе к Москвe в дом Пречистые Богородици и к Московским чюдотворцем всeм молебное торжество совершити трех учеников своих: Михeа, да Варфоломeа, да Наума, в третьем часу нощи. И воры и Литва видeшя их. И почто слуга не возвeстил, еже слыша от врагов, что видeша их; к монастырю бо пришедше о том сказашя сами? Вы же шедше из града глаголите врагом: «Видeсте вы старцов, почто не изымасте их? Се будет от них на вас побeда, да и на Москвe всему граду будет вeдомо о них»; – еже и бысть.

Видeшя бо их в то время на Москвe пришедших со множеством хлeбов печеных на возилех на Троицкое подворие в Богоявленский монастырь; и невидими бышя. О сем убо впреди слово изъявлено будет в 58 главe1, нынe же сие оставльше и еже во обители чюдотворца во осадe сотворшееся да глаголется.

Воеводы же и все воинство, сия слышавше от Илинарха, и начашя испытывати, кто у Литовских людей что слыша. Слуга же Федор Чюдинов исповeда все по ряду сице: «Мнe убо на сторожи хранящу повелeнное, и подшедше близ сынове вражии, грозяще глаголаху: «Что надeетеся о сем, еже посласте трех мнихов к Москвe, не минуша бо сторожу нашу; аще и два утекше, но единого поймахом». Мнози же не имуще о сем вeры. И во вторый день воевода посла за город дворян и нарочитых от воинства к паном на искус о старцех увeдeти; и не согласны быша рeчи от панов глаголющих: «Послали де вы к Москвe трех мнихов, под двема лошади кари, а под третьим стреката2; и на сторожу нашу наeхали, и сторожи наши их перехватали, и дву казнили, а третиего к царику послали». Инии же воспрещаху между собою: «Не лжите», – глаголюще, – «никого же не поимахом». И таковаа нeцыи от православных слышавше и смeющеся им глаголаху: «И хто именем они, их же в вязнех3 держите, и каковы образом? И что вeстей сказашя вам?» И ругающеся они словесы мятяхуся. Воеводы же, посовeтовавше и просяще общей милости у Живоначальной Троицы, и изшедше на выласку истиннаго ради увeдениа чюдеси. И взяшя языка нарочита шляхтича и возвратишяся во град ничим же не вреждены. И в роспросe и у пытки пан сказал: «Поeхали де от вас к Москвe три мнихи и наeхали на нашу сторожу, и они за ними гонишя, да не догнали. Се же паны солгашя, что поймали; истинно вам сказую, яко не поймали ни единого, лише бахматы свои поморили; под старцами же шкапы4 добрe худы, но яко крылаты». О сем же вси радостным сердцем благодарение воздаяху Владыцe всeх Богу и угоднику Его, великому Сергию чюдотворцу. И по времени, егда получишя возможение и о всем о сем к царю Василию писанием возвeстиша.

О ТОМ ЖЕ СВИДEТЕЛЬСТВО

И того же дьни вечер, в он же истино изыскано и увeдено бысть пришествие нетлeнных гонцов, старец нeкто в больницe немощен бeяше и слыша таковаа глаголемаа о чюдесeх великого Сергиа чюдотворца и размышляше, лежа на постели своей просто5: «Какие то лошади, и будет ли то истина»? Сиа же ему мыслящу, обратися к стeнe; и се слышит больницу ту оттворшуся и топот ног идущу. Он же не обратися позрeти, занеже мног вход и исход больным тогда в келии той; и мнози бeднии от мирских чади ту же живуще. И слышит старец той кличюща его: «Обратися сeмо, да скажу ти нeчто!» Старец же не обратися к нему и рече: «Скажи, брате, что есть; не могу убо превратитися; вeси и сам, яко болен есмь». Той же паки рече к нему: «Обратися! Что ленишися?» Старец же отрече: «Не хощу вредитися, повeдай просто»; мняше бо старец, яко тоя же келии нeкто се глаголет ему; тeм же и не хотяше зрeти на нь. И премолчав предстояй начат поносити ему глаголя: «Что безумствуеши, старче; что непокорив еси? Се ли иночество ти? Или нeсть у Бога милости, еже подати здравие немощи твоей?» Старец же о поношении размышляше и в себe мысля: «Кто напрасньствует6 ми, кого же аз оскорбих?» И восхотe обратитися; и всею силою двигся, и се на ногу своею здрав ста. И позна чюдотворца по образу написанному на иконe. Глагола же ему великий чюдотворец Сергий: «Что сумнишися? Истинно послах учеников своих». И старец, прост сый, и рече: «И на чем послал еси, государь нашь?» Преподобный же отвeща: «Их же конюшей Афонасей Ощeрин скудости ради корма трех слeпых мeринов в надолобы изгна внe монастыря, на тeх послах. Повeждь же всeм о сем: не толико ми гнусно смрад блуда согрeшающих мирян, елико же инок небрегущих своего обeщаниа. И под стeнами града обители моея всeх врагов пришедших потреблю, нечисто же во обители сей и двоемыслено живущих погублю и со осквернившимися управлю». И се рек, невидим бысть.

Старец же разумe себе здрава и страхом многим одержим, и плакася до утрени о прерeковании ко святому. И о себe7 прииде в церковь и повeда всeм чюдотворца глаголы. И поискавше всюду тeх меринов слeпых и не обрeтошя. Или кто видe их, в слух ни у кого же не услышашя. И увeришяся истинно по словеси святаго Сергиа чюдотворца, и воздашя славу вси о сем Господу Богу, Творящему дивная. Сих же ученик святаго пришествие не невeдомо бысть в царствующем градe Москвe. О сем убо, паки глаголю, въпреди слово изъявит в 58 главe8.



Оглавление

Богослужения

29 марта 2024 г. (16 марта ст. ст.)

Частые вопросы

Интересные факты

Для святой воды и масел

Стекло, несмотря на свою хрупкость, один из наиболее долговечных материалов. Археологи знают об этом как никто другой — ведь в процессе полевых работ им доводится доставать из земли немало стеклянных находок, которые, невзирая на свой почтенный возраст, полностью сохранили функциональность.