Троицкие листки, № 588. Праздник Успения Богоматери в церковных песнопениях

Листок второй

Благоговение Апостолов сопровождающих и Ангелов встречающих восходящую на небо Богоматерь. — Божественный "Должник'" Сын, воздающий должную честь Матери Своей. — Боголепная слава Царицы Небесной.

Величаем Тя, пренепорочная

 Маши Христа Бога нашего,

 и всеславное славим успение Твое!

На безсмертное Твое успение, Богородице, Мати живо­та, облацы Апостолы по воздуху восхищаху, и по миру разсеянныя во едином лице (собрании) предсташа пре­святому Твоему телу, елее и погребоша честно, глас Тебе Гавриилов поюще вопияху: радуйся, благодатная, Дево Мати безневестная, Господь с Тобою!

Яко на облаце, Дево, Апостольский лик носим к Сиону от конец (земли) собирашеся служити Тебе, облаку легкому, от Неяже Выш­ний Бог сущим во тьме и сени праведное возсия Солнце.

"Апостолы (глаголет Богоматерь) от конец совокупльшеся зде, в Гефсимстстей веси прогребите тело Мое, и Ты, Сыне и Боже Мой, приими дух Мой".

Якоже воздевши руце исходшии, Всенепорочная, руце, имиже Бога носила ecи плотию, со дерзновением яко Мати рекла ecи к Рожденному: яже Ми дал ecu, во веки сохрани!

9198_big.jpg

Егда преставление пречистаго тела Твоего готовляшеся, тогда Апостоли, обстояще одр, с трепетом зряху Тя; и ови убо, взирающе на тело, ужасом одержимы бяху, Петр же со слезами вопияше Ти: о Дево! вижду Тя ясно простерту, npocтy, живота всих, иудивляюся, в Нейже велися будущия жизни наслаждение. Но, о Пречистая, молися прилежно Сыну и Богу Твоему — спастися стаду Твоему невредиму!

Опрята (сопровождал) лик Апостольский Богоприятное тело Твое, со страхом зряще и гласом велиим вещающе: в небесныя домы к Сыну восходящи, спасавши присно, Богородице, наследие Твое!

Богоначалъным мановением отовсюду Богоноснии Апостоли, облаки высоце взимаеми, дошедше пречитаго и живоначальнаго Твоего тела, любезно лобызаху. Превышния же небесныя Силы, с своим Вла­дыкою пришедше, Богоприятное и пречистое тело предсылающе ужасом одержими, прекрасно же предыдяху и невидимо вопияху превышним чиноначалием: се Всецарица, Богоотроковица прииде, возмите врата и Сию премирно (превыше мира) подымите, Присносущнаго Света Матерь: Тоя бо ради всеродное человеком спасение бысть, на Нюже взирати не можем, и Той достойную честь воздати немощ­но: Тоя бо преизящное (превосходство) преходит всяк ум...

Егда изшла ecu, Богородице Дево, ко из Тебе Рождшемуся неизре­ченно, бяше Иаков, брат Божий и первый священноначальник, Петр же честнейший верховник, богословов начальник, и весь Божествен­ный Апостольский лик, явленным богословием песнословяще Боже­ственное и страшное Христа Бога таинство смотрения, и живоначальное и Богоприятное Твое тело погребше, радовахуся, Всепетая. Превыше же пресвятыя и старейшин Ангельские Силы, чудеси дивящеся, приникше друг ко другу глаголаху: возмите ваша врата и восприимите Рождшую небесе и земли Творца: славословленьми же воспоим честное и святое тело, вместившее нами Невидимаго и Господа...

Лик Богослов от конец (земли), свыше же Ангел множecmвa к Сиону идяху, всесильным мановением, достодолжно, Владычице, Твоему погребению служаше.

Песньми Твое честное и Богоприятное тело провождающе, Божественнии Апостоли вопияху: камо ныне идеши, Владычице?

Ангели и пастыри пояху Рождество Твое (Рожденнаго Тобою) первее, и ныне Ангельстии чини и Апостольский лик и всяк язык, Дево, успение Твое поют.

В преставлении Твоем, Мати Божия, пространнейшее, Бого­приятное (Бога вместившее) тело Твое Ангельская воинства свя­щенными крилы трепетом и радостию покрываху.

Взяшася двери небесныя, и Ангели воспеша, и прият Христос девства Своея Матере сосуд; Херувими подъяша Тя веселием, Серафими же славят радующеся.

Иже странно вселивыйся, Богородице, в чистое чрево Твое воплощаемь, Сей всесвященный дух Твой прием, у Себе упокой, яко должник Сын...

Не колесница огнезрачная от земных Тя престави, якоже Илию праведнаго, но самое Солнце правды, на руку Своею, пресвятую Твою душу яко непорочную прием, в Себе упокой, и преславно Тя, Чистая, преставив, почте в радости паче ума.

Достойно, яко одушевленное Тя небо, Пречистая, прияша небес­ная, Божественная селения, и предста светло украшена, яко Неве­ста всенепорочнсш, Царю и Богу.

Иисус Преболсественный, славы Господь, от Твоего чрева ролждейся за милосердые, Сам Тя, Богомати, престави от земли и ду­шею и телом.

Дает Тебе яже превыше естества Царь всех Бог: в рождестве бо Деву якоже сохрани, тако во гробе тело соблюде нетленно, и спрославы Божественным преставлением, честь Тебе, яко Сын Матери, даруя.

Земля убо благословися погребением Твоим, воздух же освятися восхождением Твоим, Марие всепетая; Ангелы лее Тебе двери небесныя отверзоша, идеже ныне предстоящи, Сыну Твоему молишися о мире мира, Мати безневестная!

Всечестное Твое успение, Пресвятая Дево чистая, Ангел множество на небеси человеческий род на земли ублажаем, яко Мати была еси Творца всех Христа Бога. Того молящи не престай о нас, иже на Тя с Богом упование положших, молимся, Богородице всепе­тая, неискусобрачная!

Из Тебе Жизнь возсия, ключи девства не рушивши: како убо пречи­стое и живоначальное Твое тело искушения смерти бысть причастно?

Победныя почести взяла ecu на естество, Чистая, Бога рождши; обаче же, подобящыся Творцу Твоему и Сыну, паче естества повинуешися естественным законом; темже умерши, с Сыном возстаеши вечнующи.

Блажим Тя вси роды, Богородице Дево, в Тя бо невместымый Христос Бог наш вместшпися благоволи. Блажени есмы и мы, предстательство Тя имущи: день бо и нощь молишися о нас, и скиптры царствия Твоими молитвами утверждаются; тем воспевающе во­пием Ти: радуйся, Благодатная, Господь с Тобою!

Дивны Твоя тайны, Богородице! Вышняго престол явилася ecu, Владычице, и от земли к небеси преставилася ecu днесь. Слава Твоя Боголепная Богоподобными сияющи чудесы. Девы с Материю Царе­вою на высоту вознеситеся. Благодатная, радуйся: с Тобою Гос­подь, подаяй мирови Тобою велию милость!

Твое славят успение Власти и Престоли, Начала и Господьства, Силы и Херувими, и страшнии Серафими; радуются земнороднии, о Божественней Твоей славе красящеся: припадают царие со Архан­гелы и Ангелы, и воспевают: Благодатная, радуйся, с Тобою Гос­подь, подаяй мирови Тобою велию милость!

Глаголом Божественнаго Гавриила последующе, радуйся Тебе зовем, Чистая: Ты убо, Пресвятая и Мати Господня, к Сему преставльшися, поминай о воспевающих Тя!

Царице всех жен Дево, мольбу принеси Христу о совершающих любовию память Твою сию, и превозносящих во вся веки. От земли на небеса преставльшися, Твоего наследия, Чистая, не остави, скиптры царствия утверди, языки (народы) укроти и пролей мир в концы мира.

В рождестве девство сохранила ecu, во успении мира не оста­вила ecu, Богородице; преставилася ecu к животу, Мати сущи Жи­вота, и молитвами Твоими избавлявши от смерти души наша.

Побеждаются естества уставы в Тебе, Дево чистая: девству­ет бо рождество, и живот предобручает смерть (и со смертию сочетавается жизнь); по рождестве Дева, и по смерти жива, спа­савши присно, Богородице, наследие Твое. О колика величия Тебе Сильный сотвори! От неплодныя бо родилася ecu: родила же ecu Дева, и Мати паки пребывавши; пребывавши же по смерти, смерти вышши, Чистая, и не оставляю щи мира, о мире молишися. Вся непости­жима Твоя, вся несказанна воистину страшна таинства! Ты бо была ecu Божия Родительница, небеса удобрила ecu, просветила ecu мир, вся благоухала ecu бoжecmвeннoй памятию Твоею; темже блажат Тя языцы, темже благословят Тя: радуйся, новый ковчеже священия! Славу по достоянию Тебе Бог подавает, яко Владыка Твой, Дево; мы же что Тебе принесем, худии? Но приими точию усердие, и Тя любовию чтущих яко Богородицу сохраняй. Приими от нас песнь исходную, Мати Живаго Бога, и осени Твоею светоносною и Божественною благодатию, подающи Императору победительная, хри­столюбивым людем мир, оставление поющим и душам спасение.


Источник: Троицкие листки. Духовно-нравственное чтение для народа. ОАО «Молодая гвардия». С. 781-784


STSL.Ru


28 Августа 2018

< Назад | Возврат к списку | Вперёд >

Интересные факты

Начало строительства Каличьей башни Лавры
Начало строительства Каличьей башни Лавры

4 июня (22 мая) 1759 года в Троице-Сергиевой Лавре началось строительство Каличьей башни (1759–1778). Строилась она по проекту московского архитектора И. Жукова на деньги, сэкономленные при возведении колокольни (РГАДА. Фонд Лавры. Балдин В.И. - М., 1984. С. 210) (Летопись Лавры).

Первая Пасха
Первая Пасха
21 апреля 1946 г., в праздник Светлого Христова Воскресения, в Троице-Сергиевой Лавре состоялось первое после 26-летнего перерыва праздничное богослужение. С этого дня в Троицкой обители был возобновлен богослужебный круг церковного года... 
Первый благовест Троицкой обители
Первый благовест Троицкой обители
20 апреля 1946 года в Великую Субботу Страстной седмицы из Троицкого собора в Успенский собор Лавры в закрытой серебряной раке перенесены мощи Преподобного Сергия. В 23.00 часов вечера того же дня впервые за четверть века с лаврской колокольни раздался благовест...
Визит великой княгини Александры Петровны Романовой
Визит великой княгини Александры Петровны Романовой
20 апреля 1860 г., по свидетельству исторических хроник, в Троице-Сергиеву Лавру, по дороге в Ростов, прибыла великая княгиня Александра Петровна Романова, известная своей обширной благотворительной деятельностью...
Первое богослужение в возрожденной Лавре
Первое богослужение в возрожденной Лавре
19 апреля 1946 г. в возвращенном братии Троице-Сергиевой Лавры Успенском соборе прошло первое богослужение – утреня Великой Субботы с обнесением Плащаницы вокруг собора...