Глава 70

Глава 70

О ВЗЯТИИ ПОЛЯКОВ И ЛИТВЫ И НEМЕЦ
ВО ГРАДЕ КРЕМЛE

Во градe же Кремлe во осадe Поляки и Литва и Нeмцы и Руские измeнники гладом зeло стeсняеми, лютe умирающе. Польской же гетман Струс и Федор Ондронов со всeми паны и с Нeмцы и с Рускими измeнники, видяще свою конечную погибель и пред очима смерть, превознесенную свою выю преклоняют и непокоривое сердце покоряют и сокрушают: по вся дни присылают к бояром и воеводам и ко всему христолюбивому воиньству с повиновением, живота себe и милости просяще, и себе повинных творят и о смирении молятся, и град Кремль в руцe их предают. И прежде отпустили из града боярина князя Федора Ивановича Мстисловского с товарыщи, и дворян, и Московских гостей и торговых людей, иже прежде у них бышя в неволи, потом же и сами вси предашяся.

Егда же предашяся вси Поляки и Литва, и Нeмцы и град Кремль оттворишя, в день же недeльный сшедшимся архимаритам и игуменом и всему освященному чину и всему христолюбивому воиньству, и всему множеству православных христиан, боярина и воеводы князя Дмитрея Тимофeевича Трубецково полку снидошася в церковь Пречистыя Богородица Казанские за Покровскими вороты, а стольника и воеводы князя Дмитрея Михайловича Пожарсково снидошяся в церковь святаго Иоанна Милостиваго на Арбате. И вземше честныя кресты и чюдотворныя иконы, поидошя во град Китай, койждо своими враты, послeдующим им всему множеству воиньства и всeм народом Московского государьства, благодарственыя и побeдныя пeсни Господеви воздааху. И сшедшеся вси вкупe на мeсто Лобное, молебнаа совершающе, в них же бысть первый Троицкой архимарит Деонисей. Из града же изыде во срeтение на Лобное мeсто Галасуньской архиепископ Арсений со всeм освященным собором, носяще чюдотворную икону Пречистые Богородицы Владимерскую и честныа кресты и прочаа божественыя иконы. Егда видeшя пречестную и чюдотворную икону Пречистыя Богородица Владимерскую бояре и воеводы и все воиньство и вси православнии христиане, ея же не надeяхуся николи же видeти, слез источницы испущаху и, припадающе, облобызаху, умильно вопиюще: «О Всенепорочнаа Мати всeх Владыки Христа Бога нашего! Аще не бы Ты умолила за ны грeшныя, кто бы град сей свободил от обдержаниа Люторска и Латинска? И твоим, Госпоже, ходатайством вси от работы свободихомся и сподобихомся видeти честнаго и пречистаго твоего зрака чюдотворную икону, и царьствующий град паки восприяхом молитвами твоими».

И по молебнем пeнии поидошя во град Кремль в бесчисленом множествe народа. И бe воистинну плача и умилениа достойно видeние. Что бо безумиа сего безумнeйши, еже сотворишя окаании они Лютори с треклятыми и богомерзъскими отступники и прелагатаи1, с Рускими измeнники? Видяху бо святыя Божиа церкви осквернены и обруганы и скверных мотыл2 всяких наполнены. Святыя же и поклоняемыя образы Владыки Христа и Пречистыя Его Богоматере и всeх святых разсeчены и очеса извертаемы и престола Божиа осквернены и ободраны и всяку святыню до конца разорену и обругану злым поруганием и множество трупу человeча разсeчены от человeкоядец онeх в сосудeх лежащих; и нeсть возможно толиких бeдь изрещи, иже сотворишя окаании они Лютори в царьствующем градe Москвe грeх ради наших. Но убо по Божественному Писанию святаа не оскверняются николиже, аще и от нечестивых обладаеми православных градове непостижимыми судьбами Божиими, яко же и древний Иерусалим. Колико оскверняем бe храм святаа святых от многих царей Июдейских идол внесением и жертвами идольскими оскверняем, но обаче божественаа благодать и пророческое дарование и чюдесем явление не оскудe николи же; и храм великий Воскресение Господне в том же граде Иерусалимe колико лeт Срацыны обладаем, но никако же отступи от него Господня благодать.

Сиа же оставим: не убо нам о сем слово предлежит. Внидошя же все воиньство и вси православнии народы всeх чинов во град Кремль во мнозe радости и в веселии, исповeдающеся Господеви. И вшедшу во святую великую церковь Пречистые Богородицы, честнаго и славнаго Ея Успениа, всему освященному собору со множеством безчислено народа и совершивше божественую литоргию, и тако разыдошяся койждо восвоя, славяще и благодаряще в Троицы славимаго Бога, Ему же слава во вeки. Аминь.



Оглавление

Богослужения

12 апреля 2021 г. (30 марта ст. ст.)

Прп. Иоанна Лествичника (649). Свт. Софрония, еп. Иркутского (1771). Прор. Иоада (X в. до Р. Х.). Апп. Сосфена, Аполлоса, Кифы, Кесаря и Епафродита (I). Св. Еввулы, матери вмч. Пантелеимона (ок. 303). Прп. Иоанна безмолвника (VI). Прп. Зосимы, еп. Сиракузского (ок. 662).
16:45 Вечернее богослужение
Сергиевский Трапезный храм

Частые вопросы

Интересные факты

14 Октября 1812г. Крестный ход вокруг Сергиева Посада
В праздник Покрова Божией Матери в 1812 году по благословению митр. Платона (Левшина) наместник Троице-Сергиевой лавры совершил крестный ход вокруг Сергиева Посада для избавления города и обители от французов.